Emaus Gipuzkoako enpresekin
Bi hamarkada baino gehiagotan, Emaus Gizarte Fundazioak, gizarte-eraldaketan eta ekonomia sozial eta zirkularraren sustapenean funtsezko eragilea denak, lurraldeko enpresa ugarirekin lan egiten jarraitzen du, erakundeak eredu zirkularragoetara eta jasangarriagoetara igarotzen lagunduz, eta haien ekarpen komunitarioa erraztuz.
Lankidetza-ildo sendoenetako bat, Emaus Gizarte Fundazioaren gizarte- eta lan-ibilbideak arrakastaz osatu dituzten pertsonak lan-munduan sartzean oinarritzen da. Logistikan, mantentze-lanetan, garbiketan, gidatzean edo piezen zatiketan trebatu ondoren, pertsona horiek lan-merkatu arruntera salto egiteko prestatuta daude, langile kualifikatuak behar dituzten Gipuzkoako industriari plantillak indartuz lagunduz (honen gabezia nabarmena den testuinguru honetan).
Gainera, Emaus Gizarte Fundazioak enpresekin estu kolaboratzen du ekonomia zirkularrari lotutako berrikuntza-proiektuetan. Garrantzitsuenen artean, LIFE WEEELOOP proiektu europearra aurkitu dezakegu. Proiektu honek aparatu elektrikoen eta elektronikoen hondakinen kudeaketa zirkularreko sistema aitzindari bat garatzea du helburu, sukaldeko plaken %90erainoko materialen eta osagaien berreskurapena lortuz, erauzte-, ekodiseinu- eta pasaporte digitala bezalako teknologien bidez. Nabarmentzekoa da SMARTEKO proiektua ere, zeinek Produktuen Pasaporte Digitala medio, Europako araudiari aurrea hartzeko, trazabilitatea bermatzeko eta aukera zirkular berriak irekitzeko aukera emango duten plataformen sorreran zentratua.
Enpresen eta Emaus Gizarte Fundazioaren arteko beste lankidetza ildo bat lantokietan ehunak biltzeko edukiontziak jartzea da. Hala, langileek erabiltzen ez dituzten arropak, bigarren eskuko denden bidez, bigarren bizitza bat izan dezakete. Salto System, Irizar, Gureak, Uvesco eta Deustuko Unibertsitatea dira, besteak beste, zerbitzu hori beren jasangarritasun-estrategietan sartu duten erakundeetako batzuk. Berrerabilpen-kultura sustatzen dute, bai enpresa barruan, bai inguruan, Emaus Gizarte Fundazioaren laguntzari esker.
Azkenik, Emaus Gizarte Fundazioa ehun-soberakin industrialak eta publizitate-oihalak berrera biltzeko lanean ari da, hauek upcycling tekniken bidez merchandising korporatiboko produktuetan bihurtuz, hala nola motxilak, paper-zorroak edo kutxatilak. Irizar edo Guggenheim Museoa bezalako erakundeak gurekin elkarlanean ari dira ildo honetan, hondakinei balio erantsi bat emanez Emaus Gizarte Fundazioarekin egiten duten elkarlanari esker.
Emaus Gizarte Fundazioaren helburua inpaktu positiboa sortzen duten aliantzak eraikitzen jarraitzea da, gure erakundeak sustatzen duen ekosistema sozial, zirkular eta komunitario honetan Gipuzkoako gero eta enpresa gehiagok parte har dezaten.
