Emaus Gizarte Fundazioaren proiektu baten helburu nagusia da ekonomia zirkularra sustatzea, ehun-hondakinek eta TEEH (Tresna Elektriko eta Elektronikoen Hondakinak) ingurumenean sortzen duten inpaktu larria hobetzeko. Gainera hondakinen araudia ezarriz egiten du, eta Berreskuratze, Eraldaketa eta Erresilientzia Planaren esparruan – Europar Batasunak finantzatua – NextGenerationEU. Aldi berean, ekonomia zirkularra bultzatzen duen programak berekin dakar ahulezia egoerak bizi dituzten pertsonentzako kalitatezko enplegua mantentzea eta sortzea. Europako laguntza horrek eragin sozial nabarmena izateaz gain, berrerabiltzeko eta birziklatzeko tratatutako hondakinak kudeatzeko gaitasuna bikoiztuko du.

Proiektuak aukera ematen du horrelako hiri-hondakinak berrerabiltzeko prestatzen dituzten instalazioen edukiera handitzeko, haien bizi-zikloa luzatzeko. Adibidez, berrerabilitako hozkailu bakoitzeko 267 kg CO2 isurtzea saihesten da eta 7.813 litro ur aurrezten dira. Ekimen honi esker, Emaus Gizarte Fundazioaren laneratze-enpresak %56 handitu ditu 2021etik 2024ra bitartean zaurgarritasun egoeran dauden pertsonak, eta laneratzeko gaikuntza-aukera gehiago sortu ditu hondakinen kudeaketaern eremuan, Fundazioaren xedea dela kontuan hartuta.

Testuinguru horretan, nabarmentzekoa da Emaus Gizarte Fundazioa taldeko laneratze-enpresak hondakinak tratatzeko bi instalazio dituela gaur egun, Irunen eta Arrasaten (Ekocenter-ak), eta Europako funts horien laguntzarekin, bere kudeaketa-gaitasuna handituko duela, Errenterian eta Urnietan aurten beste bi instalazio gehituz, lurraldearen beharrarei erantzuteko. Bi instalazio horien inbertsioa eta kudeaketa Koopera Caritas gizarte- eta ingurumen-proiektuarekin batera egingo da. Horrela, bi erakundeen artean kudeatutako hondakinen bolumena bikoiztea aurreikusten da, 2024 urtean 2.000 tona ehun eta 1.243 tona tresna elektriko eta elektroniko izatera iritsiz.

Europako funtsek bultzatutako ekimen honen funtsezko osagaiak dira makineria eta ekipamendu modernoagoetan, hondakinen trazabilitatea erraztuko duen digitalizazioan eta langileen prestakuntzan egindako inbertsioa. Era berean, herritarrak sentsibilizatu nahi dira hondakinak uzteko moduei buruz, modu egokian uztea komeni da ondoren berrerabiliak izateko. Ez da gauza bera erabilitako arropa uzteko eta biltzeko modua, eta garbigailu baten bigarren bizitza kudeatzeko modua ere.

Azpimarratzekoa da Irungo Ekocenter-a Gipuzkoako bigarren eskuko handiena izango dela 2024an, 1.370 metro karratuko merkataritza-gunearekin eta hondakin-biltegiarekin (arropa, altzariak, liburuak, etab.). Emaus Gizarte Fundazioaren Ekocenter-etatik, gizartearen etengabeko elkarregina sustatzen da, bai eta herritarrak ekonomia zirkularrarekin, klima-aldaketaren eraginaren eta konponketaren kulturaren garrantziaren inguruan sentsibilizatzea ere. Bertatik enplegurako prestakuntza-programak ere eskaintzen dira hainbat arlotan, eta azpiegiturak mantentzearekin eta konpontzearekin lotutako lanbide tradizionalak berreskuratzea du helburu, gizarteratze prozesuetan dauden pertsonentzako prestakuntza- eta laneratze-ibilbideak sortuz.

Azken urteotan asko hitz egin da ehungintza-industria dela bigarren industria kutsagarriena, eta moda azkarrak zaildu egiten duela joera negatibo hori geldiarazteko beharrezkoak diren ohiturak aldatzea. Hondakin eta lurzoru kutsatuei buruzko, ekonomia zirkular baterako, apirilaren 8ko 7/2022 Legean ezarritako ekoizlearen erantzukizun hedatuko sistemak sortzeko nahitaezkotasunak, erabilitako arroparen kudeaketan eta haren finantzaketa-sisteman hobekuntzak azkartuko ditu.

Hala ere, tresna elektriko eta elektronikoen hondakinak (TEEH) dira Espainian gehien hazten diren hondakin-korronteak, urtean %20ko erritmoan. Hondakin horiek tratatzea erronka handia da kudeatzaileentzat, bai askotarikoak direlako (txigorgailuak, mugikorrak, ordenagailuak, garbigailuak…), bai gero eta bolumen handiagoa dutelako. Aurreikuspenak larriak dira, 2030 urtean 74,7 milioi tona sortzera iris daiteke, eta 2050erako 100 milioi tonatik gora.

TEEHen kudeaketa otsailaren 20ko 110/2015 Errege Dekretuak markatzen du, zer diren definitzen eta kategorizatzen dituenak. Errege Dekretu hori 27/2021 Errege Dekretuan eguneratzen da. Hala ere, estatu-mailan eta lurralde-mailan, arau-esparru horren bilketa eta berreskuratze helburuak betetzetik urrun gaude.

Beraz, beharrezkoa da hiri-hondakinen bi korronte horiek kudeatzeko konponbideetan aurrera egiten jarraitzea, bai eta berreskuratutako produktuak merkaturatzen ere, denda espezializatuetan ez ezik, denda mota guztietan. Bigarren eskuko produktuak edozein markaren eskaintzan integratu behar dira.

Proiektu honetan hobekuntzak garatzen dira bilketa-, tratamendu- eta salmenta-prozesuetan, eta inbertsioak egiten dira makinerian eta ekipamenduan, langileen prestakuntzan, digitalizazioan eta herritarrak sentsibilizatzean, uzteko-guneetatik eta Ekocenter-etatik gertu bizi diren herritarrak hondakinak modu egokian entregatzearen garrantziaz kontzientziatzeko.

Proiektu honen planteamendua Emaus Gizarte Fundazioak ehungintzako produktuen berrerabilpenaren, birziklatzearen eta horiek osatzen dituzten materialen balorizazioaren sektorean egindako hainbat urteko ikerketa eta garapenaren ondorioa da.

Azken batean, gizarteak badaki kontsumo lineala jasanezina dela, planetaren natura-baliabideak arriskuan jartzen dituelako (finituak dira), kutsatzen dituelako eta berotegi-efektuko gasak sortzen dituelako, klima-aldaketa eragiten dutenak eta egungo kolapso-egoera eragiten dutenak. Egoera hori eten egin behar da ondorio globalak dituzten tokiko jarduerekin, eta ekonomia zirkularra paradigma berri bat da jasangarritasun handiagoa lortzeko. Emausen jarduera produktiboa, gizarteratze-enpresan, beti izan da eta izaten jarraitzen du, hondakinak baliabide solidario bihurtzen dituen ekonomia mota hori. Orain, denboraren mailan egiteko, URREZKO 3 ARAUAK gainditu beharko dira (Murriztu, Berrerabili eta Birziklatu) ekonomia zirkularraren ZAZPI ARAUETAN sartzeko (aurreko hirurei Birdiseinatu, Konpondu, Berritu eta Berreskuratu gehitu behar zaizkie).

Proiektu hau Europar Batasunak – NextGenerationEU finantzatutako Berreskuratze, Eraldaketa eta Erresilientzia Palanaren eta Euskadin hondakinen araudia ezartzen eta Ekonomia Zirkularra sustatzen laguntzeko programaren barruan sartzen da. Ekimen honen bidez, bildu, berreskuratu eta saltzen diren ehun-hondakinak eta tresna elektriko eta elektronikoen hondakinak (TEEH) nabarmen handitu nahi dira, herritarrentzat kontsumo arduratsuaren alternatiba gisa.

Podcasta jaitxi 

Mugak esploratzen eta Istorioak Ehuntzen:

Emaúsen Nomada Jaialdiak Kultura eta Partaidetza Kolektiboa Goratzen ditu Gizarte Inklusiboagoak eraikitzeko

Murgildu zaitez Emaúsen Nomada Jaialdiaren ezohiko unibertsoan, kulturak eta gizarte garapenak bat egiten duten unibertsoan, gizarte eraldatzaile bat egokitzeko eta inklusioaren aldeko egiteko. Ekitaldi soil batek baino gehiago, jaialdi honek ikusgai eta ikusezina den horren arteko mugei aurre egiten die, askotan isilarazten dituzten pertsonen ahotsak entzunaraziz. Etengabe mugitzen ari den elkargune bat da, bazterketa egoeran edo egoteko arriskuan dauden pertsonek eta kolektiboek, gizarte-erakundeekin eta kultura-eragileekin bat egiten dute esperientzia paregabeak ehuntzeko.

Emaús Gizarte Fundazioak kudeatzen dituen titulartasun publikoko hainbat zentrotan, interes handiko kultura-prozesuak sortu dira. Ez hainbeste obren emaitza ederrengatik, baizik eta arakatzeko aukera eskaintzen dutelako hitzen ikuspegi berriak; serigrafia-esperientziak; etxebizitzarako eskubidearen aldeko adierazpen artistikoak; hondakinak oinarri hartuta eraikitako txotxongiloak, bizitza-istorioak aitzakia gisa erabilia; kontsultatu ohi ez diren gaiei buruzko pertsonen begirada ezartzeko argazki-prozesuak…

Jaialdia bost agertokitan zabalduko da: Tabakalera, Mundaiz bidean dagoen Emaús denda, Gipuzkoa Plaza, Antzoki Zaharra eta Garbera. Abiapuntua azaroaren 23an izango da Tabakalerako Kutxa Kultur Aretoan, “Feminismoa, Kultura eta Erresistentziak” izenburupeko solasaldi publikoarekin, Eugenia Tenenbaum, Mafalda Saloio eta Soraya Ronquillo buru direlarik.

Hurrengo agertoki Mundaiz bideko 6 zenbakian dagoen Emaúsen dendara lekualdatzen da. Bertan, azaroaren 25ean eta 26an, EN MEDIO talde kataluniarrak ARTIBISMO tailer ikusgarri bat burutuko du. Arte aktibista honek sormena eta ekintza uztartu nahi ditu, artea aldaketa- eta gizartea eraldatzeko-tresna bihurtuz. Helburua: etxebizitza-eskubidea aldarrikatuko duen sorkuntza kolektiboa.

Azaroaren 26an, jaialdia Gipuzkoa Plazan izango da, hainbat tailerrekin. Besteak beste, hondakinak oinarri hartuta etxeak eraikitzea modu kolektiboan, bereziki kartoiarekin; baita hitzekin, serigrafiarekin, txotxongiloekin eta argazkigintzarekin egindako lanak, guztiak ohikoak ez diren ikuspegietatik. Arratsaldean, Egia auzoan, aurreko egunetan Emaúseko dendan gauzatzen joan den artibismo-prozesua amaituko da eta egindako lana aurkeztea ekarriko du.

Amaiera Antzoki Zaharrean izango da, azaroaren 27an, astelehenean. LAS PODEROSAS izenburua duen obra zirraragarria eskainiko da saio bikoitzean. Goizeko emanaldia proiektuan parte hartu duten hiriko ikastetxeentzat izango da. Bertan, antzerki-konpainiaren interpretazioaz gain, Emaús Gizarte Fundazioak kudeatzen duen Muntoko gizarte-programan parte hartzen duten pertsonek egindako dantza komunitarioaren prozesua ikusteko aukera izango da, DAB Bitartekaritzak dinamizatutako prozesua. Arratsaldean, herritar guztiei irekitako saio batean, LAS PODEROSAS antzezlanaz gain, ADOS Teatro-ren dokumental bat eta protagonisten arteko solasaldia eskainiko da. Antzezlan hunkigarri hau emakume talde baten hausnarketa bat da, mundua aldatzeko, eskubideak defendatzeko eta emakumeen aurkako indarkeria desagerrarazteko pasioak elkartuta. Sarrera librea izango da, 17:00etatik 19:30etara.

Azkenik, Garbera merkatari-espazioan, azaroaren 21-30 bitartean, txotxongilo erakusketa bat egongo da, egileen bizitza-istorioak kontatzen dituena. Pertsona urratuak eta egoera zaurgarrian daudenak, horietako asko kalean bizi izandakoak, eta txotxongilo hauek egitea adierazpen eta elkarbanatzeko tresna bat izan da, txotxongiloek eskaintzen duten potentzial sinboliko eta eraldatzailetik.

Jaialdi liluragarri honi buruz ezagutu gehiago eta jar zaitez harremanetan informazio gehiago eskuratzeko.

Hausnarketak: PDF-a jaitxi

Nomada 2023 albuma : albuma ikusi

Informazio gehiago: Esta dirección de correo electrónico está protegida contra spambots. Usted necesita tener Javascript activado para poder verla.

Aurten, Emaúsen, Olentzerori eskatzen diogu Eguberri bereziki jasangarria eta solidarioa izan dadila.

Olentzero maitea,

Gutun hau bidaltzen dizugu eta espero dugu zure ikaztegitik gertu egotea, gure eskaerekin idazten dizugunon desio eta amets guztiak prestatzeko behar duzun magiaz inguratuta. Aurten, berri zirraragarri eta berezi bat kontatu nahi dizugu eta uste dugu zure bihotza zoriontasunez beteko dela, natura oso gustuko duzulako, izatez, naturaren erdian bizi zara.

Emaúsen oso lanpetuta egon gara urte osoan zehar egindako etxez etxeko bilketetatik sortuko altxor paregabeak eta liluragarriak biltzen. Dakizunez, askok gauzak eta objektuak bota beharrean 943 630 999 telefonora deitzen digu, eta etxez etxeko bilketa, berrerabilia izateko prestakuntza eta merkaturatzea, lan-merkatuan sartzeko zailtasunak dituzten pertsonei zuzendutako enpresa baten bidez gauzatzen da; aldi berean, ekonomia zirkularrean eta ingurumen-jasangarritasunean oinarritutako lan garrantzitsua egiten da.

Guztira 165 objektu berezi daude prest Gabon hauetan etxe berriak aurkitzeko. Horietako batzuei begirada bat botatzea eskaintzen dizugu, zure zaku magikoan, eta Mari Domingirekin batera beren bidea aurkitzeko, benetako eta berezia dena estimatzen duten pertsonen etxeetara.

Gure bildumaren erdian Lladróren figura bat dago, “Amatasuna” izenekoa, tamaina handikoa eta baldintza bikainetan, benetakotasun-ziurtagiria du eta edizio mugatu baten bildumakoa (250etik 2019 kopia da). Bildumagileen orrietan 2300 €ko prezioa izango lukeela kontuan hartuta, pozik gaude Emaúseko gure eskaintza 1300 €koa izateaz, bereziki gabon hauetarako.

Baina aukera eta aniztasuna ez da hor geratzen. Errusiar jostailu xarmagarriak, lurrean mokoka burua mugitzen duten oilotxoak, belaunaldiak markatu dituzten jostailu klasikoak, scalextric ahaztezina, cine exin ospetsua…

Antzinako jostailu bilduma ikusgarria bildu dugu, Nancy Panpina maitagarrietatik hasi eta binilozko Mariquita Perez batera arte. Baina sorpresa ez da hor amaitzen. Imajina ezazu abereak markatzeko burdina bat, gurutze-forma berezikoa eta oinarrian bi uztai txiki dituena; errekete karlistako txapela bat; molinetezko kalkulagailu guztiz analogiko bat, aparatu bitxi horrek nola funtzionatzen zuen jakinmina pizten duena.

Ez ditugu ahaztu artea eta kultura maite duten horiek, aukera asko eskaintzen dizkiegu: Mariangeles Angladaren eskultura paregabe bat, bi eskuko eskultura polit bat, eta, tamaina ikusgarriko kristal puztuko kubitera bat. Horrez gain, MARISCAL diseinatzaile ezagunaren objektuak ditugu, hala nola COBIren liburua eta txori itxurako azpil bat, azken hau Porcelanas Bidasoak egina. Salgai jarriko dugun beste pieza bitxi bat Gernikako haritzaren hosto bat da, Bizkaiko armarria hostoaren nerbioekin marraztuta. Pieza hau lan eta zehaztasun handikoa da, eta nahikoa arrunta zen preso errepublikanoen artean, denbora asko izaten baitzuten. Gaur egun, Gernikan, Urdaibai ederraren oroimenaren hiriburuan, merkaturatzen den souvenir gutiziatua da.

Baina hori ez da dena, Olentzero. Askotariko musika tresnak bildu ditugu, gitarra elektrikoetatik hasi eta hastapeneko biolinetaraino, musikaren etorkizuneko promesen poza bermatuz, baina oraindik txikiak dira eta ez dakite.

Gabonetako salmenta berezi honek altxor paregabek eskuratzeko asmoa izateaz gain, bildutako euro bakoitzak Emaúsen gizarte-programetan lagunduko du, gehien behar dutenen bizitzan keinu bat egiten jarraitzeko.

Objektu bitxi hauek guztiak ezagutzeko gure saltokiak bisitatzera gonbidatzen zaitugu, Irungo EkoCenter-era eta Donostiako gure Faktory-ra, Mundaiz kalean 6 zenbakian, abenduak 4tik urtarrilak 5 arte, objektu hauek ikusi eta Eguberri ahaztezina izan dadin. Gabonetako salmentaren ondoren, gure saltokietan brokante-salmentarako espazioak mantentzen ditugu, antigoaleko gauzen denda txiki bat gure denden barruan. Hauetan beti aurki ditzakegu gure etxeei arima ematen dieten produktuak bereziak.

Esker onez

Emaús Taldea

Emaúsen Nomada Jaialdia:

Kultura eta partaidetza kolektiboaren artean ohikoa ez den begirada bat gizarte inklusiboagoak eraikitzeko

Nomada jaialdia kultura eta gizarte garapena uztartzen dituen ez ohiko kultura jaialdia da, gizartea eraldatzeko eta leku inklusiboagoan bihurtzen laguntzeko. Nomada Jaialdia ekitaldi ibiltaria da, ikusgai eta ikusezin den horren arteko mugei, entzuten diren eta isilean geratzen direnen arteko mugei aurre egitea bilatzen duena. Etengabeko mugimenduan dagoen topagune eta elkargune gisa aurkezten da. Jaialdi honek gizarte bazterketa egoerei edo arriskuko egoerei aurre egiten dieten hainbat pertsona eta kolektibo biltzen ditu, lurraldeko gizarte erakunde eta kultur eragileekin batera.

Emaús Gizarte Fundazioak kudeatzen dituen Gizarte Politiken sarearen titulartasun publikoko zentro ezberdinetan hainbat prozesu kultural landu dira. Bere baitan interesgarriak diren prozesu hauek, denbora tarte berdinean eta ezohiko jaialdi honen babespean gauzatuko dira, normalean entzuten ez diren pertsonen ahotsak entzuteko aukera emanez. Hitzei buruzko tailer bat, serigrafiari buruzko beste bat, etxebizitzarako eskubidea aldarrikatzeko sorkuntza kolektiboko tailer bat, bizitza-istorioak adierazteko hondakinez egindako txotxongilo erakusketa bat, mundua aldatzeko gogoak elkartutako emakumeen antzerki bat, edo hainbat ikuspegitatik ateratako argazkiak dira programa xehatu honetan jasotzen diren jardueren eta tailerren zati bat. 

Jaialdia lau leku ezberdinetan egingo da. Lehena Tabakalerako Kutxa Kultur aretoa izango da, bertan, datorren ostegunean, azaroak 23an, arratsaldeko 18:00etan “Feminismoa, Kultura eta Erresistentziak” izenburupean solasaldi bat ospatuko da, Eugenia Tenenbaum, Mafalda Saloio eta Soraia Ronquilloren eskutik. Interesa duen edonori irekitako gunea.

Hurrengo agertokia Mundaiz kaleko Emaúsen denda izango da, Faktoryn. Bertan, azaroaren 25-26-27an ARTIBISMOAri buruzko asteburu osoko tailerra egingo da, EN MEDIO enpresaren eskutik. Parte hartzea doakoa da eta plaza mugatuak dira; plaza erreserbatzeko izena eman behar da. Asmoa da sorkuntza kolektiboa egitea etxebizitza-eskubidea aldarrikatzeko. Artibismoa artea eta aktibismoaren arteko hibridazio bezala definitzen da. Aldarrikapen- eta erresistentzia-artea. Artea aldaketara eta eraldaketara bideratutako komunikabide bihurtzen da, arte-sorkuntza akademikotik edo museo-sorkuntzatik gizarte-espazioetara mugitzen den hizkuntza, hezkuntza-tresna bihurtuz.

Azaroaren 26an Nomada jaialdia kalera aterako da, hain zuzen ere, Gipuzko Plazara. Bertan, hainbat tailer proposatuko dira, hala nola, hondakinak oinarri hartuta etxeak kolektiboki sortzea, bereziki kartoizko etxeak; hitzen tailerra, serigrafia tailerra, hondakinak oinarri hartuta txotxongilo egitea, argazkigintza… Hori guztia begirada ezberdin eta ezohikoetatik abiatuta. Arte Ederretako Fakultateko irakasleak, Ignacio Perez-Jofrek, KARTOIZKO ETXEAKen sorkuntza kolektiboa lagunduko du, lan honen emaitza bezala auzo, hiri baten instalazio bat eraiki ahal izateko, hirigintzari, arkitekturari, desberdinkeriari eta bizitegi-bazterketari buruzko pentsamendu kritikoa eraikitzeko.

Azkenik, azaroaren 27an, astelehenean, LAS PODEROSAS antzezlana taularatuko da Antzoki Nagusian, mundua aldatzeko, eskubideak defendatzeko eta emakumeen aurkako indarkeria guztiekin amaitzeko gogoak elkartutako emakumeen hausnarketa. Halaber, ADOS TEATROAren dokumental bat ikusi ahal izango da. Sarrera doakoa izango da eta 17:00etatik 19:30etara izango da.

Informazio gehiagorako, elkarrizketak…

MÁS :  https://nomadaemaus.com/

 Harremana :  Esta dirección de correo electrónico está protegida contra spambots. Usted necesita tener Javascript activado para poder verla.