2024ko uda-sasoiaren hasiera Getarian

 

Gipuzkoak hondartza-denboraldiari hasiera eman dio, hondakinik gabeko itsasertz baten alde “zatoz olatura” kanpainarekin

 

Gipuzkoako Foru Aldundiko Jasangarritasun Departamentuak eta Emaús Gizarte Fundazioak sentsibilizazio-kanpaina bat garatuko dute Gipuzkoako hondartzetan hondakinak behar bezala bereizteko eta biltzeko. Era berean, 1.815.000 euro erabiliko dira garbiketa indartzeko, eta 150.000 euro gehiago segurtasunerako. Ahalegin horren barruan sartzen da eguzki-paperontzi trinkotzaile berriak instalatzea eta edukiontziak hareatzetatik kanpo jartzea, ingurumen-inpaktua minimizatzeko.

"Nik Hondartzak" aplikazioak bere zerbitzuak zabaldu ditu, banderen egoerari, bainatzeko uraren kalitateari eta hondartzako eta bainu lagundurako zerbitzuei buruzko informazioarekin.

José Ignacio Asensio: “Itsasertzaren eta gure itsasoen kutsadura da ingurumen-arazo nagusietako bat. Sakabanatutako zabor-fokuen % 40 kostaldean daude, eta 2023an 175.000 kilo hondakin baino gehiago bildu ziren gure hareatzetan. Ozeanoen Munduko Egunean, gure hondartzekiko eta plastikorik eta bestelako hondakinik gabeko itsaso garbiarekiko konpromisoa berretsi nahi dugu, gaikako bilketa, garbiketa eta herritarren sentsibilizazioa indartuz”.

 

playa 1 2024

 

Ozeanoen Munduko Eguna dela-eta, Jasangarritasuneko diputatu José Ignacio Asensiok Gipuzkoako hondartzen udako denboraldiari hasiera eman dio Getariako Malkorbe hondartzan. Hondartzen denboraldia ekainaren 15etik irailaren 15era arte luzatuko da. Aurten, Gipuzkoako Foru Aldundiak 1.815.000 euro bideratuko ditu, guztira, Gipuzkoako hareatzetako garbiketa indartzeko, 150.000 euroko zenbateko gehigarriarekin, hondartzetako segurtasun-laguntzaren osagarri gisa. Era berean, hondartzen kudeaketa integralerako plan berri bat egitea bultzatzen ari da, Gipuzkoako kostaldeko udalekin lankidetzan, erakunde bakoitzaren eskumen-eremua errespetatuz. Irekiera-ekitaldian izan dira, halaber, Maite Peña Zainketa eta Gizarte Politiketako diputatua, Haritz Alberdi udalerriko alkatea, Aitziber Zubillaga Emaús Gizarte Fundazioko zuzendari nagusia, Nuria Vegas Garbera merkataritza-guneko kudeatzailea eta Unai Arregi Urbil merkataritza-guneko Zerbitzu Orokorretako zuzendaria.

2024. denboraldiko lehentasuna da arreta jartzea jasangarritasunean, itsasertzean eta plastikorik eta bestelako hondakinik gabeko itsasoan, gaikako bilketa eta garbiketa indartuz eta herritarrak sentsibilizatuz "Zatoz olatura" kanpainarekin.

 

Zatoz olatura: hondakinik gabeko itsasertz baten alde

Udako denboraldian, Gipuzkoako hondartzetan erronka handia dugu: gure hareatzetako hondakinen kudeaketa hobetzea. Hondartzetan, askotan, hondakinak ez dira behar bezala bereizten. Horrek eragina du itsasbazterraren eta gure kostaldearen kutsaduran, eta arriskutsua da itsasertzaren jasangarritasunerako eta herritarren gozamen egokirako. Arazo horri aurre egiteko, Gipuzkoako Foru Aldundiko Jasangarritasun Departamentuak sentsibilizazio-kanpaina bat abiaraziko du Emáus Gizarte Fundazioarekin lankidetzan, ekainaren 12tik abuztuaren 18ra bitartean. "Zatoz olatura: hondakinik gabeko itsasertz baten alde" leloa duen kanpainaren helburua hondakin gutxiago sortzea da, lehenik eta behin materialak berrerabiltzea sustatuz eta, halakorik ezean, birziklatzearen bidez kontsumo osteko kudeaketa egokia eginez.

Jose Ignacio Asensio Jasangarritasun diputatuak nabarmendu nahi izan du Gipuzkoako Foru Aldundiak hondartzekin eta plastikorik eta bestelako hondakinik gabeko itsasoarekin duen konpromisoa: "Itsasertzearen eta gure itsasoen kutsadura ingurumen arazo nagusietako bat da. Sakabanatutako zaborren % 40 kostaldean daude, eta 2023an 175.000 kilo hondakin baino gehiago bildu ziren gure hareatzetan. Gure hondartzekiko eta plastikorik eta bestelako hondakinik gabeko itsaso garbiarekiko konpromisoa berresten dugu, gaikako bilketa, garbiketa eta herritarren sentsibilizazioa indartuz”.

Ideia horren ondorioz sortu zen Gauzateka, furgoneta itxurako zerbitzu mugikorra, Gipuzkoako hondartzak zeharkatuko dituena udako asteetan, bigarren eskuko materialak eskainiz hondartzan erabiltzeko: baloiak, txanoak, liburuak, palak, snorkel materiala. Zerbitzu horren helburua da ahalik eta material eta hondakin gutxien erabiltzea, erabilera arduratsua sustatuz eta herritarrak ahalik eta gehien partekatuz eta berrerabiliz. Eskaintzen diren materialak Emaús Gizarte Fundazioak eta Urbil eta Garbera merkataritza-zentroek eman dituzte.

Gauzatekarekin batera, jolas eta hezkuntza tailerrak egingo dira haur eta helduentzat, eta hondakinen kudeaketaren hierarkiaren lehentasunen ordena mantentzearen garrantzia azpimarratuko da, bereziki hondakinen prebentzioa, berrerabilera eta birziklatze egokia azpimarratuz. Besteak beste, hondakinetatik abiatuta txotxongiloak sortzea edo Lokotx Bilketa jokoa, herri kiroletan oinarritua, non parte hartzaileek behar bezala sailkatu beharko dituzten hondakinak; kanpainaren helburua da komunitatea ingurune naturalaren babesean inplikatzea, garapen jasangarrirako aldaketa posible eta beharrezkoa dela erakutsiz.

Gainera, haur eta gaztetxoentzako jarduera sortzaileak eskainiko dira, hala nola pintatzea eta ingurumena zaintzearen inguruan sortzea, eta hondakin txikiak biltzea sustatuko da, kometak sari gisa emanez. Kanpaina mahaiak, aulkiak eta eguzkitakoak dituen espazio batean egingo da, elkarreragina errazteko.

 

- Ekainaren 19tik 23ra: MUTRIKUKO hondartza (PORTUA)
- Ekainaren 26tik 30era: DEBA hondartza
- Uztailaren 3tik 7ra: ZUMAIAKO hondartza (ITZURUN)
- Uztailaren 10etik 14ra: GETARIAKO hondartza (MALKORBE)
- Uztailaren 17tik 21era: ZARAUZKO hondartza
- Uztailaren 24tik 28ra: ORIOKO hondartza
- Uztailaren 31tik abuztuaren 4ra: DONOSTIAKO hondartza (KONTXA)
- Abuztuaren 7tik 11ra: DONOSTIAKO hondartza (ZURRIOLA)
- Abuztuaren 14tik 18ra: HONDARRIBIKO hondartza

 

Sentsibilizazio-ekintzak osatzeko, udako garbiketa-zerbitzuak indartuko dira, eta kostaldeko udalerri guztietan zaintza-talde bat izango da. Era berean, ontzi arinetarako eguzki-paperontzi trinkotzaile berriak instalatuko dira, eta 2023ko denboraldian instalatutako paperontzi indargarriak mantenduko dira. Bestalde, Aldundiak udalerriei gomendatzen die edukiontziak hondartzetatik kanpo jartzea, inpaktu txikiagoa izateko eta gainezka eginez gero hondartza ez kutsatzeko.

Erabiltzaileentzako informazioa hobetzeko eta hondartzen erabilera jasangarria errazteko zerbitzuen artean, “Nik Hondartzak” aplikazioa aurki ditzakegu. Aplikazio horrek bere prestazioak zabaldu ditu, banderen egoerari, bainatzeko uraren kalitateari eta hondartzako eta bainatzeko zerbitzu lagunduen informazioari buruzko abisuen bidez. Gainera, mugikortasun jasangarria sustatzera bideratutako ibaiei, hareatzetako erabiltzaileen kontzentrazioei eta erabiltzaileri buruzko informazioa eskaintzen jarraituko du. 2020an abian jarritako aplikazioak, pandemia betean, 1.000.000 kontsulta eta 70.000 deskarga baino gehiago erregistratu ditu orain arte, eta funtsezko tresna da beharrezko prebentzio-neurriak ezartzeko, hondartzetan segurtasun- eta kalitate-indize altuenak izango dituen egonaldia ziurtatzeko.

 

Hondartzak Denontzat

2024. denboraldiko beste berritasun bat "Hondartzak Denontzat" proiektu pilotua da, Gipuzkoako hondartzak inklusiboago egiteko programa. Ekimen hori Foru Aldundiko Jasangarritasun Departamentuak eta Zainketa eta Gizarte Politiketako Departamentuak sustatu dute, Gurutze Gorriarekin eta Gipuzkoako Kirol Egokituaren Federazioarekin lankidetzan. Getariako Malkorbe hondartzan bainu inklusiboa emateko zerbitzuarekin hasi da, eta, ondoren, beste herri batzuetara zabalduko da.

Asensiok azpimarratu duenez, “jasangarritasunak gizarte-alderdi bat ere badu, non gure kostaldeetarako inklusioa eta irisgarritasun unibertsala funtsezko alderdiak diren gure hondartzen kudeaketa jasangarria egiteko”. Bestalde, Maite Peña diputatuak azpimarratu duenez, “desgaitasunen bat izatea edo mendekoa izatea ez litzateke eragozpena izan behar udako hilabeteetan hondartzaz eta bainuaz gozatzeko. Horregatik, apustu sendoa egiten dugu ‘Hondartzak denontzat’ programa zabaltzearen alde, jende gehiago erakartzeko eta gipuzkoar guztiei zerbitzu guztiz irisgarria emateko”. Zerbitzu berria Gipuzkoan desgaitasuna, mugikortasun murriztua edo mendekotasuna duten pertsona guztientzat dago irekita, eta foru-egoitzetan edo -etxebizitzetan bizi diren edo eguneko zentroak erabiltzen dituzten pertsona guztiek lehentasuna izango dute, baita hondartzaraino egokitutako garraioa eta zentrora itzultzea ere. Erabiltzaileei zerbitzua osatzeko behar dituzten laguntza teknikoak emango zaizkie, hala nola gurpil-aulkiak, makulu anfibiak, garabiak, etab”, adierazi du Maite Peñak.

 


Getaria, 2024ko ekainaren 12a

Imagengal1         logo caixa sin colabora 2

 

(RE)anuda. Inserción sociolaboral y promoción de la economía circular y el empleo inclusivo en Galicia, es un proyecto financiado por Fundación “la Caixa” que se ejecuta entre agosto de 2023 y julio de 2024 en Vigo. Se fundamenta en la necesidad de implementar acciones que ofrezcan recursos de apoyo para la activación laboral de personas en situación de gran vulnerabilidad y exclusión social.

Dirigido a cualquier persona en edad laboral, (Re)anuda pone el foco en aquellos grupos de edad con mayores dificultades de incorporación laboral: por un lado, personas menores de 30 años cuya situación de exclusión social hace pertinente la prestación de un acompañamiento técnico especializado y la participación en actuaciones formativas muy adaptadas y, por otro lado, personas mayores de 45 años afectadas por una cronificación en su situación de desempleo y exclusión social que las ubica, inicialmente, en un escenario muy alejado de la posible incorporación laboral.

Con RE-anuda se pretende contribuir a la inserción sociolaboral de todas ellas mediante la capacitación, formación, acompañamiento y desarrollo de itinerarios relacionados con el fomento de la economía circular.

Así, el proyecto ofrece talleres, itinerarios formativos, para la reparación y reutilización de textiles y enseres en desuso de origen domiciliario, y apoyo personalizado para el desarrollo de itinerarios de inserción socio-laboral. 

 

Imagengal2          Imagengal3

 

En paralelo, se llevan a cabo acciones basadas en la creación de redes de colaboración empresarial, institucional y ciudadana y en el ensayo y pilotaje de actividades relacionadas con la recogida, tratamiento y comercialización de residuos voluminosos y textiles en la ciudad de Vigo.  Porque es necesaria la identificación de nuevos puestos de trabajo, directos e indirectos, que se adecúen a las necesidades de las personas desempleadas en riesgo o situación de exclusión social, revelándose como una gran oportunidad el aprovechamiento del potencial de creación de empleo de iniciativas relacionadas con la economía circular y la gestión de residuos. 

En definitiva, (Re)anuda apuesta por la promoción de la economía circular y la creación de empleo protegido en Galicia, mediante la conversión de potenciales residuos en recursos y oportunidades.

 

Ordenando trapos Detalle tratamiento Trastos 2

 

 

Aurten, Emaúsen, Olentzerori eskatzen diogu Eguberri bereziki jasangarria eta solidarioa izan dadila.

 

Olentzero maitea,

 

Gutun hau bidaltzen dizugu eta espero dugu zure ikaztegitik gertu egotea, gure eskaerekin idazten dizugunon desio eta amets guztiak prestatzeko behar duzun magiaz inguratuta. Aurten, berri zirraragarri eta berezi bat kontatu nahi dizugu eta uste dugu zure bihotza zoriontasunez beteko dela, natura oso gustuko duzulako, izatez, naturaren erdian bizi zara.

Emaúsen oso lanpetuta egon gara urte osoan zehar egindako etxez etxeko bilketetatik sortuko altxor paregabeak eta liluragarriak biltzen. Dakizunez, askok gauzak eta objektuak bota beharrean 943 630 999 telefonora deitzen digu, eta etxez etxeko bilketa, berrerabilia izateko prestakuntza eta merkaturatzea, lan-merkatuan sartzeko zailtasunak dituzten pertsonei zuzendutako enpresa baten bidez gauzatzen da; aldi berean, ekonomia zirkularrean eta ingurumen-jasangarritasunean oinarritutako lan garrantzitsua egiten da.

Guztira 165 objektu berezi daude prest Gabon hauetan etxe berriak aurkitzeko. Horietako batzuei begirada bat botatzea eskaintzen dizugu, zure zaku magikoan, eta Mari Domingirekin batera beren bidea aurkitzeko, benetako eta berezia dena estimatzen duten pertsonen etxeetara.

Gure bildumaren erdian Lladróren figura bat dago, “Amatasuna” izenekoa, tamaina handikoa eta baldintza bikainetan, benetakotasun-ziurtagiria du eta edizio mugatu baten bildumakoa (250etik 2019 kopia da). Bildumagileen orrietan 2300 €ko prezioa izango lukeela kontuan hartuta, pozik gaude Emaúseko gure eskaintza 1300 €koa izateaz, bereziki gabon hauetarako.

 

lladro

Baina aukera eta aniztasuna ez da hor geratzen. Errusiar jostailu xarmagarriak, lurrean mokoka burua mugitzen duten oilotxoak, belaunaldiak markatu dituzten jostailu klasikoak, scalextric ahaztezina, cine exin ospetsua…

Antzinako jostailu bilduma ikusgarria bildu dugu, Nancy Panpina maitagarrietatik hasi eta binilozko Mariquita Perez batera arte. Baina sorpresa ez da hor amaitzen. Imajina ezazu abereak markatzeko burdina bat, gurutze-forma berezikoa eta oinarrian bi uztai txiki dituena; errekete karlistako txapela bat; molinetezko kalkulagailu guztiz analogiko bat, aparatu bitxi horrek nola funtzionatzen zuen jakinmina pizten duena.

 

requeté

 

Ez ditugu ahaztu artea eta kultura maite duten horiek, aukera asko eskaintzen dizkiegu: Mariangeles Angladaren eskultura paregabe bat, bi eskuko eskultura polit bat, eta, tamaina ikusgarriko kristal puztuko kubitera bat. Horrez gain, MARISCAL diseinatzaile ezagunaren objektuak ditugu, hala nola COBIren liburua eta txori itxurako azpil bat, azken hau Porcelanas Bidasoak egina. Salgai jarriko dugun beste pieza bitxi bat Gernikako haritzaren hosto bat da, Bizkaiko armarria hostoaren nerbioekin marraztuta. Pieza hau lan eta zehaztasun handikoa da, eta nahikoa arrunta zen preso errepublikanoen artean, denbora asko izaten baitzuten. Gaur egun, Gernikan, Urdaibai ederraren oroimenaren hiriburuan, merkaturatzen den souvenir gutiziatua da.

Baina hori ez da dena, Olentzero. Askotariko musika tresnak bildu ditugu, gitarra elektrikoetatik hasi eta hastapeneko biolinetaraino, musikaren etorkizuneko promesen poza bermatuz, baina oraindik txikiak dira eta ez dakite.

 

cascanueces

 

Gabonetako salmenta berezi honek altxor paregabek eskuratzeko asmoa izateaz gain, bildutako euro bakoitzak Emaúsen gizarte-programetan lagunduko du, gehien behar dutenen bizitzan keinu bat egiten jarraitzeko.

Objektu bitxi hauek guztiak ezagutzeko gure saltokiak bisitatzera gonbidatzen zaitugu, Irungo EkoCenter-era eta Donostiako gure Faktory-ra, Mundaiz kalean 6 zenbakian, abenduak 4tik urtarrilak 5 arte, objektu hauek ikusi eta Eguberri ahaztezina izan dadin. Gabonetako salmentaren ondoren, gure saltokietan brokante-salmentarako espazioak mantentzen ditugu, antigoaleko gauzen denda txiki bat gure denden barruan. Hauetan beti aurki ditzakegu gure etxeei arima ematen dieten produktuak bereziak.

 

Esker onez

 

Emaús Taldea

Imagenlgo1

 

Emaus Gizarte Fundazioaren proiektu baten helburu nagusia da ekonomia zirkularra sustatzea, ehun-hondakinek eta TEEH (Tresna Elektriko eta Elektronikoen Hondakinak) ingurumenean sortzen duten inpaktu larria hobetzeko. Gainera hondakinen araudia ezarriz egiten du, eta Berreskuratze, Eraldaketa eta Erresilientzia Planaren esparruan – Europar Batasunak finantzatua – NextGenerationEU. Aldi berean, ekonomia zirkularra bultzatzen duen programak berekin dakar ahulezia egoerak bizi dituzten pertsonentzako kalitatezko enplegua mantentzea eta sortzea. Europako laguntza horrek eragin sozial nabarmena izateaz gain, berrerabiltzeko eta birziklatzeko tratatutako hondakinak kudeatzeko gaitasuna bikoiztuko du.

 

Proiektuak aukera ematen du horrelako hiri-hondakinak berrerabiltzeko prestatzen dituzten instalazioen edukiera handitzeko, haien bizi-zikloa luzatzeko. Adibidez, berrerabilitako hozkailu bakoitzeko 267 kg CO2 isurtzea saihesten da eta 7.813 litro ur aurrezten dira. Ekimen honi esker, Emaus Gizarte Fundazioaren laneratze-enpresak %56 handitu ditu 2021etik 2024ra bitartean zaurgarritasun egoeran dauden pertsonak, eta laneratzeko gaikuntza-aukera gehiago sortu ditu hondakinen kudeaketaern eremuan, Fundazioaren xedea dela kontuan hartuta.

Testuinguru horretan, nabarmentzekoa da Emaus Gizarte Fundazioa taldeko laneratze-enpresak hondakinak tratatzeko bi instalazio dituela gaur egun, Irunen eta Arrasaten (Ekocenter-ak), eta Europako funts horien laguntzarekin, bere kudeaketa-gaitasuna handituko duela, Errenterian eta Urnietan aurten beste bi instalazio gehituz, lurraldearen beharrarei erantzuteko. Bi instalazio horien inbertsioa eta kudeaketa Koopera Caritas gizarte- eta ingurumen-proiektuarekin batera egingo da. Horrela, bi erakundeen artean kudeatutako hondakinen bolumena bikoiztea aurreikusten da, 2024 urtean 2.000 tona ehun eta 1.243 tona tresna elektriko eta elektroniko izatera iritsiz.

Europako funtsek bultzatutako ekimen honen funtsezko osagaiak dira makineria eta ekipamendu modernoagoetan, hondakinen trazabilitatea erraztuko duen digitalizazioan eta langileen prestakuntzan egindako inbertsioa. Era berean, herritarrak sentsibilizatu nahi dira hondakinak uzteko moduei buruz, modu egokian uztea komeni da ondoren berrerabiliak izateko. Ez da gauza bera erabilitako arropa uzteko eta biltzeko modua, eta garbigailu baten bigarren bizitza kudeatzeko modua ere.

 

1000061179

 

Azpimarratzekoa da Irungo Ekocenter-a Gipuzkoako bigarren eskuko handiena izango dela 2024an, 1.370 metro karratuko merkataritza-gunearekin eta hondakin-biltegiarekin (arropa, altzariak, liburuak, etab.). Emaus Gizarte Fundazioaren Ekocenter-etatik, gizartearen etengabeko elkarregina sustatzen da, bai eta herritarrak ekonomia zirkularrarekin, klima-aldaketaren eraginaren eta konponketaren kulturaren garrantziaren inguruan sentsibilizatzea ere. Bertatik enplegurako prestakuntza-programak ere eskaintzen dira hainbat arlotan, eta azpiegiturak mantentzearekin eta konpontzearekin lotutako lanbide tradizionalak berreskuratzea du helburu, gizarteratze prozesuetan dauden pertsonentzako prestakuntza- eta laneratze-ibilbideak sortuz.

Azken urteotan asko hitz egin da ehungintza-industria dela bigarren industria kutsagarriena, eta moda azkarrak zaildu egiten duela joera negatibo hori geldiarazteko beharrezkoak diren ohiturak aldatzea. Hondakin eta lurzoru kutsatuei buruzko, ekonomia zirkular baterako, apirilaren 8ko 7/2022 Legean ezarritako ekoizlearen erantzukizun hedatuko sistemak sortzeko nahitaezkotasunak, erabilitako arroparen kudeaketan eta haren finantzaketa-sisteman hobekuntzak azkartuko ditu.

Hala ere, tresna elektriko eta elektronikoen hondakinak (TEEH) dira Espainian gehien hazten diren hondakin-korronteak, urtean %20ko erritmoan. Hondakin horiek tratatzea erronka handia da kudeatzaileentzat, bai askotarikoak direlako (txigorgailuak, mugikorrak, ordenagailuak, garbigailuak…), bai gero eta bolumen handiagoa dutelako. Aurreikuspenak larriak dira, 2030 urtean 74,7 milioi tona sortzera iris daiteke, eta 2050erako 100 milioi tonatik gora.

TEEHen kudeaketa otsailaren 20ko 110/2015 Errege Dekretuak markatzen du, zer diren definitzen eta kategorizatzen dituenak. Errege Dekretu hori 27/2021 Errege Dekretuan eguneratzen da. Hala ere, estatu-mailan eta lurralde-mailan, arau-esparru horren bilketa eta berreskuratze helburuak betetzetik urrun gaude.

Beraz, beharrezkoa da hiri-hondakinen bi korronte horiek kudeatzeko konponbideetan aurrera egiten jarraitzea, bai eta berreskuratutako produktuak merkaturatzen ere, denda espezializatuetan ez ezik, denda mota guztietan. Bigarren eskuko produktuak edozein markaren eskaintzan integratu behar dira.

Proiektu honetan hobekuntzak garatzen dira bilketa-, tratamendu- eta salmenta-prozesuetan, eta inbertsioak egiten dira makinerian eta ekipamenduan, langileen prestakuntzan, digitalizazioan eta herritarrak sentsibilizatzean, uzteko-guneetatik eta Ekocenter-etatik gertu bizi diren herritarrak hondakinak modu egokian entregatzearen garrantziaz kontzientziatzeko.

Proiektu honen planteamendua Emaus Gizarte Fundazioak ehungintzako produktuen berrerabilpenaren, birziklatzearen eta horiek osatzen dituzten materialen balorizazioaren sektorean egindako hainbat urteko ikerketa eta garapenaren ondorioa da.

Azken batean, gizarteak badaki kontsumo lineala jasanezina dela, planetaren natura-baliabideak arriskuan jartzen dituelako (finituak dira), kutsatzen dituelako eta berotegi-efektuko gasak sortzen dituelako, klima-aldaketa eragiten dutenak eta egungo kolapso-egoera eragiten dutenak. Egoera hori eten egin behar da ondorio globalak dituzten tokiko jarduerekin, eta ekonomia zirkularra paradigma berri bat da jasangarritasun handiagoa lortzeko. Emausen jarduera produktiboa, gizarteratze-enpresan, beti izan da eta izaten jarraitzen du, hondakinak baliabide solidario bihurtzen dituen ekonomia mota hori. Orain, denboraren mailan egiteko, URREZKO 3 ARAUAK gainditu beharko dira (Murriztu, Berrerabili eta Birziklatu) ekonomia zirkularraren ZAZPI ARAUETAN sartzeko (aurreko hirurei Birdiseinatu, Konpondu, Berritu eta Berreskuratu gehitu behar zaizkie).

Proiektu hau Europar Batasunak – NextGenerationEU finantzatutako Berreskuratze, Eraldaketa eta Erresilientzia Palanaren eta Euskadin hondakinen araudia ezartzen eta Ekonomia Zirkularra sustatzen laguntzeko programaren barruan sartzen da. Ekimen honen bidez, bildu, berreskuratu eta saltzen diren ehun-hondakinak eta tresna elektriko eta elektronikoen hondakinak (TEEH) nabarmen handitu nahi dira, herritarrentzat kontsumo arduratsuaren alternatiba gisa.

 

Imagenlgo1

 
 
 
Entzun PODCAST: 

 

Podcasta jaitxi 

 

 

 

Mugak esploratzen eta Istorioak Ehuntzen:

 

Emaúsen Nomada Jaialdiak Kultura eta Partaidetza Kolektiboa Goratzen ditu Gizarte Inklusiboagoak eraikitzeko

 

Murgildu zaitez Emaúsen Nomada Jaialdiaren ezohiko unibertsoan, kulturak eta gizarte garapenak bat egiten duten unibertsoan, gizarte eraldatzaile bat egokitzeko eta inklusioaren aldeko egiteko. Ekitaldi soil batek baino gehiago, jaialdi honek ikusgai eta ikusezina den horren arteko mugei aurre egiten die, askotan isilarazten dituzten pertsonen ahotsak entzunaraziz. Etengabe mugitzen ari den elkargune bat da, bazterketa egoeran edo egoteko arriskuan dauden pertsonek eta kolektiboek, gizarte-erakundeekin eta kultura-eragileekin bat egiten dute esperientzia paregabeak ehuntzeko.

 

 

Emaús Gizarte Fundazioak kudeatzen dituen titulartasun publikoko hainbat zentrotan, interes handiko kultura-prozesuak sortu dira. Ez hainbeste obren emaitza ederrengatik, baizik eta arakatzeko aukera eskaintzen dutelako hitzen ikuspegi berriak; serigrafia-esperientziak; etxebizitzarako eskubidearen aldeko adierazpen artistikoak; hondakinak oinarri hartuta eraikitako txotxongiloak, bizitza-istorioak aitzakia gisa erabilia; kontsultatu ohi ez diren gaiei buruzko pertsonen begirada ezartzeko argazki-prozesuak…

Jaialdia bost agertokitan zabalduko da: Tabakalera, Mundaiz bidean dagoen Emaús denda, Gipuzkoa Plaza, Antzoki Zaharra eta Garbera. Abiapuntua azaroaren 23an izango da Tabakalerako Kutxa Kultur Aretoan, “Feminismoa, Kultura eta Erresistentziak” izenburupeko solasaldi publikoarekin, Eugenia Tenenbaum, Mafalda Saloio eta Soraya Ronquillo buru direlarik.

Hurrengo agertoki Mundaiz bideko 6 zenbakian dagoen Emaúsen dendara lekualdatzen da. Bertan, azaroaren 25ean eta 26an, EN MEDIO talde kataluniarrak ARTIBISMO tailer ikusgarri bat burutuko du. Arte aktibista honek sormena eta ekintza uztartu nahi ditu, artea aldaketa- eta gizartea eraldatzeko-tresna bihurtuz. Helburua: etxebizitza-eskubidea aldarrikatuko duen sorkuntza kolektiboa.

Azaroaren 26an, jaialdia Gipuzkoa Plazan izango da, hainbat tailerrekin. Besteak beste, hondakinak oinarri hartuta etxeak eraikitzea modu kolektiboan, bereziki kartoiarekin; baita hitzekin, serigrafiarekin, txotxongiloekin eta argazkigintzarekin egindako lanak, guztiak ohikoak ez diren ikuspegietatik. Arratsaldean, Egia auzoan, aurreko egunetan Emaúseko dendan gauzatzen joan den artibismo-prozesua amaituko da eta egindako lana aurkeztea ekarriko du.

Amaiera Antzoki Zaharrean izango da, azaroaren 27an, astelehenean. LAS PODEROSAS izenburua duen obra zirraragarria eskainiko da saio bikoitzean. Goizeko emanaldia proiektuan parte hartu duten hiriko ikastetxeentzat izango da. Bertan, antzerki-konpainiaren interpretazioaz gain, Emaús Gizarte Fundazioak kudeatzen duen Muntoko gizarte-programan parte hartzen duten pertsonek egindako dantza komunitarioaren prozesua ikusteko aukera izango da, DAB Bitartekaritzak dinamizatutako prozesua. Arratsaldean, herritar guztiei irekitako saio batean, LAS PODEROSAS antzezlanaz gain, ADOS Teatro-ren dokumental bat eta protagonisten arteko solasaldia eskainiko da. Antzezlan hunkigarri hau emakume talde baten hausnarketa bat da, mundua aldatzeko, eskubideak defendatzeko eta emakumeen aurkako indarkeria desagerrarazteko pasioak elkartuta. Sarrera librea izango da, 17:00etatik 19:30etara.

Azkenik, Garbera merkatari-espazioan, azaroaren 21-30 bitartean, txotxongilo erakusketa bat egongo da, egileen bizitza-istorioak kontatzen dituena. Pertsona urratuak eta egoera zaurgarrian daudenak, horietako asko kalean bizi izandakoak, eta txotxongilo hauek egitea adierazpen eta elkarbanatzeko tresna bat izan da, txotxongiloek eskaintzen duten potentzial sinboliko eta eraldatzailetik.

 

Jaialdi liluragarri honi buruz ezagutu gehiago eta jar zaitez harremanetan informazio gehiago eskuratzeko.

 

 

 

Hausnarketak: PDF-a jaitxi

 

 

 

Nomada 2023 albuma : albuma ikusi

 

Informazio gehiago: Esta dirección de correo electrónico está protegida contra spambots. Usted necesita tener Javascript activado para poder verla.