Datorren uztailaren 3an, Emaus Gizarte Fundazioak eta Gipuzkoako SOS Arrazakeriak udako ikastaro bat antolatu dute Eibarko Udako Euskal Unibertsitatean (UEU), partaidetza komunitarioaren bitartez gure auzo, herri eta hirietan bizikidetza sustatzen duten gakoak partekatzeko.
Ikastaro hau BideGurutzean proiektuaren barne dago, Garapenerako Lankidetzaren Euskal Agentziaren babesarekin garatu dena 2022 eta 2023 urteetan zehar, CEP Alforja, Butroi Bizirik Trantzizioan, Cenderos, Darkum, Gu Haziak Gara eta SOS Arrazakeriako Etxeko Langileen taldearekin batera.
BideGurutzean proiektuaren garapenari esker, egiaztatu ahal izan da parte-hartze komunitarioa funtsezko tresna dela bizikidetza inklusiboagoa sustatzeko, harreman-dinamika bidezkoagoak sortzen dituzten rol-aldaketak eragiten baititu. Horregatik, parte-hartzea sustatzea gizarteratzearen arloan lan egiten duten erakunde eta entitateen egungo erronketako bat bihurtu da.
Jardunaldi honetan, aipatutako elkarteek, ikuspegi desberdinetik bada ere (ekologismoa, feminismoa, eskubideen defentsa, herri-hezkuntza, gizarte-ekonomia), partaidetza ahalbidetzen duten praktikak ezagutaraziko dituzte. Halaber, parte-hartzaileek euren esperientziak partekatzeko eta elkarrekin hausnartzeko aukera izango dute.
Ikastaroa gure lurraldean gizarteratzea eta partaidetza komunitarioa bultzatzeko lan egiten duten pertsonei zuzenduta dago, bai instituzioetatik, bai irabazi asmorik gabeko erakundeetatik edo herri mugimenduetatik. Ikastaroa euskaraz izango da eta aldi bereko itzulpena eta haurtzaindegi zerbitzuak eskainiko dira. Amaieran katering zerbitzua egongo da.
Parte hartzeko hemen eman dezakezu izena: https://labur.eus/W0G7k
EGITARAUA
8:45 - Harrera
9:00 - Ongi Etorria. Aurkezpena eta kokapena
Sheila Padrones Gil (Emaús Gizarte Fundazioa)
9:30 - Partaidetza komunitariotik elkarbizitza sustatzen. Mahai-ingurua
Paloma Martínez Pérez (Gu Haziak Gara Laguntza Elkartea - Aretxabaleta)
Tatiana Bellorin (SOS Arrazakeriako Etxeko Langileen Taldea - Errenteria)
Belén González (Butroi Bizirik Transizioan Elkartea - Mungia)
Marysol Amador (Cenderos - Costa Rica)
11:00 - Atsedenaldia
11:30 - Eta gure elkarteetan, nola bultzatzen dugu bizikidetza? Elkarrekin hausnartzeko dinamika
13:00 - Itxiera
Jone Urionaguena (SOS Arrazakeria Gipuzkoa)
13:30 - Mokadua
Uztailak 3
8:45-13:30
Eibar
Euskara (aldibereko itzulpena)
*Haurtzaindegia
Mokadua
Animatu eta eman izena! https://labur.eus/W0G7k