Emaus Gizarte Fundazioak tokiko merkataritza inklusiboa eta ingurumenarekiko arduratsua sustatzeko plan berri bat sustatu du, Eusko Jaurlaritzako Merkataritza Zuzendaritzaren laguntzarekin

Emaus Gizarte Fundazioak aro berri bati ekin zion 2024ko urtarrilean, eta bere estrategia eta misioa berritu zituen, gizarte bidezkoago, kohesionatuago, inklusiboago eta jasangarriago batekin duen konpromisoa indartzeko. Estrategia horren arabera, bigarren eskuko dendak gune gakoak dira gizarte ekonomia zirkularraren ereduaren barruan; izan ere, salmenta-gune ez ezik, topaleku komunitario, eta sentsibilizaziorako eta partaidetzarako gune ere badira.

2025ean, eta Eusko Jaurlaritzako Merkataritza Zuzendaritzaren laguntzari esker, Fundazioak plan berri bat jarri du abian tokiko merkataritza inklusiboa eta ingurumenarekiko arduratsua sustatzeko, eta, horretarako bere topagune eta dendetan jarduerak sortu ditu. Finantzatutako ekintzen artean, tailerren programa dago. Herritarrei bideratutako proposamen irekia da, ikuspegi sozialetik zein ingurumenaren ikuspegitik kontsumo arduratsurako modu berriak aurkitzera gonbidatzen dituena. 

Tailerren programa: ikasteko, sortzeko eta parte hartzeko gonbidapena

Tailerren programaren helburua da berrerabilera, konponketa eta moda jasangarria gizartera hurbiltzea eta publiko berriak erakartzea.

Tailerrak, gainera, aukera paregabea dira dendak kontsumo arduratsurako erreferentziazko gune bihurtzeko, esperientzia erakargarriak sortuz eta merkataritzaren eta komunitatearen arteko lotura indartuz.

Jarduera horien bidez, Fundazioak sustatzen dituen ibilbide soziolaboralak ere ezagutzera ematen dira, logistikan, tratamenduan eta merkataritza-eremuan txertatzeko postuak sortzen baitituzte, gizarte-bazterketa egoeran dauden pertsonak lan-merkatu arruntean sar daitezen. 

Jarduerak doakoak dira Eusko Jaurlaritzako Merkataritza Zuzendaritzaren finantzaketari esker, eta Emaus Gizarte Fundazioak Gipuzkoan banatuta dituen bigarren eskuko zazpi saltokietan egingo dira: sei denda propio — Arrasate, Donostia (2), Errenteria, Hernani eta Irun — eta korner bat Lazkaon, Biziola kontsumo-kooperatiban. Programazioa merkataritza-egutegira eta udalerri bakoitzaren komunitate-bizimodura egokitzen da, izaera hezitzailea, parte-hartzailea eta dinamizatzailea indartuz.

Tailerren programa

2025

• Lazkao | Estilismo tailerra, bigarren eskuko arropa (10/04– Eginda)

• Donostia | Kolorimetria tailerra (11/21 – Eginda)

• Irun | Kolorimetria tailerra (11/22 – Egina)

• Hernani | Gabonetako apaingarrien haurrentzako tailerra (11/28 – Eginda)

• Errenteria | Gabonetako apaingarrien haurrentzako tailerra (11/29 – Eginda)

• Irun | Gabonetako apaingarrien haurrentzako tailerra (12/05– 17:30 – 19:00/Izena emateko epea zabalik)

• Donostia | Gabonetako estilismo tailerra (12/12 – 17:30 – 19:30/Izena emateko epea zabalik)

• Arrasate | Gabonetako estilismo tailerra (12/13 – 17:30 – 19:30/Izena emateko epea zabalik)

2026 (laster konfirmatuko dira egunak)

• Errenteria | Kolorimetria tailerra

• Irun | Altzariak konpontzeko eta eraldatzeko tailerra

• Hernani | Arropa josi eta kustomizatzeko tailerra

• Errenteria | Etxea ordenatzeko tailerra

• Arrasate | Inauterietako mozorro tailerra

• Donostia | Inauterietako mozorro tailerra

Gonbidapen irekia herritar guztientzat

Programa honen bidez, Emaus Gizarte Fundazioaren helburua da berrerabilera eta moda jasangarria eta inklusiboa herritarrei hurbiltzea, modu praktiko, parte-hartzaile eta irisgarrian.

Dendak udalerrietako gune bizi gisa sendotzen dira, eta merkataritza jasangarria sustatzeaz gain, ikastera, sortzera eta partekatzera gonbidatzen gaituzte.

Informazio gehiagorako edo hurrengo tailerretan izena emateko:

Lara Cañizo 
lara.canizo@emaus.com