Zuk konpondu, zuk berrerabili

Irailaren 19an hasi eta urriaren 17ra bitarte, Urola Kostako Udal Elkarteak, Gipuzkoako Foru Aldundiko Iraunkortasun Sailak lagunduta, eta Emaus Gizarte Fundazioaren parte-hartzearekin,  “Zuk konpondu, zuk berrerabili” sentsibilizazio kanpaina kaleratuko du, herritarren kontsumo ohiturak eredu iraunkorrago eta kontzienteago baterantz gidatzeko helburuarekin, konponketa eta berrerabilera sustatuz. Kanpainaren baitan bi ekimen nabarmenduko dira: bigarren eskuko merkatuak eta konponketa tailerrak.

Bigarren eskuko merkatuak

Herritar askoren nahiari erantzunez, eta berrerabilera sustatu nahian, jende multzo handia erakartzeko intentzioz, bigarren eskuko bost merkatu antolatuko dira Aia, Getaria, Orio, Zarautz eta Zumaian, Emaus Gizarte Fundazioarekin elkarlanean, non jantziak eta osagarriak salgai egongo diren. Merkatu horiek berrerabilitako objektuen balioa ikusarazten dute, eta kontsumo masiboaren alternatiba errealak sustatzen dituzte.

Gainera, azoken inguruan bigarren eskuko objektuak jasotzeko edukiontziak jarriko dira, herritarrek erabiltzen ez dituzten jantziak edota bestelakoak bertan laga ditzaten. Ingurumenari laguntzeko modu erraz eta zuzena izango da, beraz.

Konponketa tailerrak: joskintza eta tresna elektrikoak

Azokekin batera doako konponketa-tailerrak egingo dira, jantzi zein tresna elektriko txikiei bigarren bizitza emateko; horiek baitira, konponketei dagokienez, herritarrek gehien eskatzen dituzten bi kategoriak.

Joskintza tailerraren bidez herritarrei aukera eskainiko zaie konponketa edota moldaketa ezberdinak behar dituzten jantziak ekartzeko, beren kabuz konponketak egiten ikas dezaten: prakei baxua hartzea edo botoi bat modu eraginkorrean jostea, besteak beste. Modu horretan, oinarrizko konponketa horiek egiteko autonomia sustatuko da eta gure jantzien bizitza erabilgarria luzatu. Horrez gain, hondakintzat hartzen diren ehun-jantziei bigarren bizitza bat emateko aukera eskainiko da, oihalezko poltsa pertsonalizatuak sortuz, eta era horretan, erabilera bakarreko materialak murriztuz.

Tresna elektrikoen tailerretan, berriz, egunerokoan erabiltzen ditugun tresna elektriko txikiak eramateko aukera emango zaie herritarrei, eta hauek konpontzeko modua bilatuko da, jendeak ikasi dezan nola konpontzen diren modu autonomo batean hauei balio berri bat emanez. Horretarako, erraminta eta materialak izango dituzte eskuragarri.

Tailer horiek tokiko profesional espezializatuek eta Emaus Gizarte Fundazioko langileek emango dituzte, haien lana ikusarazteko eta prestigioa emateko, batetik; eta, bestetik, eskualdean eskuragarri dauden baliabideen ezagutza sustatzeko. Tailerretan zehar, kontsumo arduratsuaren eta konponketaren alde egiten duten saltokiak eta profesionalak identifikatzeko aukera izango dute herritarrek, sentsibilizazio kanpainaz haratago herritarrek praktika horiekin jarrai dezaten egunerokoan.

Ekimen honek, halaber, esperientzia pilotu gisa ere balio nahi du, konpontzeko eta berrerabiltzeko ohitura sortzeko, eta bigarren eskuko denda eta zerbitzu hurbilenak eta eskuragarrienak identifikatzen laguntzeko.

Ingurumen-inpaktua

Ehungintza industria munduko kutsatzaileenen artean dago. Gipuzkoan bakarrik, urtero 6.000 tona ehun-hondakin baino gehiago sortzen dira, eta, horietatik, %5 baino ez da berreskuratzen berrerabiltzeko. Tresna elektriko-elektronikoen hondakinei (TEEH) dagokienez, herritar bakoitzak urtean 8 kg baino gehiago sortzen dituela kalkulatzen da, eta horrek konponketa eta aprobetxamendua sustatzeko premia nabarmentzen du.

“Zuk konpondu, zuk berrerabili” sentsibilizazio kanpaina belaunaldi berrien jarreraren isla ere bada, gero eta konpromiso handiagoa baitu gizarteak planetarekin, bigarren eskuaren aldeko apustu garbia eginez, eta ez bakarrik prezioagatik, baita iraunkortasun eta gustu estetiko hautuagatik ere.

Animatu eta parte hartu Gipuzkoa zirkularrago baten alde indarrak batuz. Izena-eman beharrik ez duzu, gerturatzearekin nahikoa da. 

Programa

• 19 SEPTIEMBRE – ZARAUTZ
  • Lugar: Udaletxe plaza
  • Horario:
    • 12:00 – 19:00 | Mercado de segunda mano
    • 16:00-19:00 | Taller de costura
    • 17:00-19:00 | Taller de aparatos eléctrico-electrónicos
       
• 26 DE SEPTIEMBRE – AIA
  • Lugar: Herriko plaza
  • Horario:
    • 17:00-20:00 | Mercado de segunda mano + talleres
       
• 3 DE OCTUBRE – GETARIA
  • Lugar: Frontón de la plaza
  • Horario:
    • 17:00-20:00 | Mercado de segunda mano + talleres
       
• 10 OCTUBRE – ZUMAIA
  • Lugar: Eusebio Gurrutxaga plaza
  • Horario:
    • 11:00 – 19:00 | Mercado de segunda mano
    • 16:00-19:00 | Taller de costura
    • 17:00-19:00 | Taller de aparatos eléctrico-electrónicos
       
• 17 OCTUBRE – ORIO
  • Lugar: Herriko Plaza
  • Horario
    • 11:00 – 19:00 | Mercado de segunda mano
    • 16:00-19:00 | Taller de costura
    • 17:00-19:00 | Taller de aparatos eléctrico-electrónicos